اسلام آباد (این این آئی)ٹیسٹ کرکٹر فواد عالم نے کہا ہے کہ شان ٹیٹ تیز ترین بولر ہیں جنہیں کھیل کر مزا آیا ۔ ایک انٹرویومیں فواد عالم سے سوال کیا گیاکہ ایسا کون سا بولر ہے جس کے سامنے آپ کی کانپیں ٹانگیں ہوں؟اس کے جواب میں فواد نے بتایا کہ کانپیں نہیں ٹانگیں تاہم کچھ بولر ایسے ضرور ہوتے ہیں جنہیں کھیلنے میں مزا آتا ہے، شان ٹیٹ ایک ایسے ہی بولر ہیں جنہیں آسٹریلیا میں پہلی بار کھیلا تو اس وقت میں نے صرف ٹیٹ کی 2 بالز ہی کھیلی تھیں کہ اوور ہوگیا، شان ٹیٹ ایک تیز ترین بولر ہیں جنہیں کھیل کر مزا آیا تاہم ایسے بولر کو دیکھ کر یہی ہوتا ہے کہ انسان کا دوبارہ سامنا نہ ہو۔وکی نے دوسرا سوال کیا کہ کوئی ایسا بولر جو آپ کو حلوہ لگا ہو ؟ اس پر فواد نے کہا ایسا نہیں ہوسکتا کیوں کہ کسی ٹیم کے چند بولرز جہاں خطرناک ہوتے ہیں وہیں یہ سوچا جاسکتا ہے کہ ان کے کچھ بولرز ایسے ہیں جن پر اٹیک کیا جاسکتا ہے لیکن یہ نہیں سوچا جاسکتا ہے کہ بولرز حلوہ ہیں۔