واشنگٹن (مانیٹرنگ ڈیسک) معروف امریکی NBA کے کھلاڑی نے اسلام قبول کر لیا، اس بات کا انکشاف انہوں نے ایک ٹویٹ کے ذریعے کیا، کیری ارونگ کے اسلام قبول کرنے کے اعتراف نے لوگوں کو حیرت میں مبتلا کر دیا۔ اس ہفتے ارونگ نے کھیل کے دوران رمضان کے روزے رکھنے کا اعتراف کیا،انہوں نے میچ کے دوران روزہ رکھا، ان کا کہنا تھا کہ یہ صرف اللہ کی رضا کے لئے ہے۔ انہوں نے کہا کہ میں اسلامی برادری کا حصہ بننے پر

خوش ہوں اور یقیناً روزہ بھی اس کا حصہ ہے۔ ارونگ نے گزشتہ دنوں منیسوٹا کے خلاف ذاتی وجوہات کی بناء پر میچ نہیں کھیلا، اس کی وجہ ان کا روزہ رکھنا بتایا گیا ہے، ارونگ نے مارچ میں بھی اسلام اور اللہ کے بارے میں تبادلہ خیال کیا تھا، اس وقت یہ واضح نہیں تھا کہ وہ خصوصی طور پر اسلام کے بارے میں بات کر رہا ہے۔ واضح رہے کہ گزشتہ روز جنوبی افریقہ کے کرکٹ کھلاڑی اور ان کی اہلیہ نے بھی اسلام قبول کر لیا تھا۔