لاہور(این این آئی)پاکستان کرکٹ بورڈ(پی سی بی)نے پاکستان سپر لیگ(پی ایس ایل)6 کے میچز دو وینیوز پر کرانے کا فیصلہ کر لیا۔ترجمان پاکستان کرکٹ بورڈ(پی سی بی )کے مطابق پاکستان سپر لیگ(پی ایس ایل)6 کے میچز کراچی اور لاہور میں کھیلے جائیں گے اور پی ایس ایل 6 کے مقابلوں کا آغاز کراچی سے ہوگا، ٹورنامنٹ کا فائنل سمیت

دوسرے مرحلے کے میچز لاہور میں ہوں گے۔ترجمان نے مزید کہا کہ پی ایس ایل 5 کے میچز چار وینیوز پر کھیلے گئے تھے تاہم اس بار  کورونا وائرس کی وجہ سے تمام اسٹیک ہولڈرز کی صحت اور حفاظت کے لیے یہ فیصلہ کیا گیا۔خیال رہے کہ پی ایس ایل کا آغاز فروری کے تیسرے ہفتے اور اختتام مارچ کے چوتھے ہفتے میں ہو گا۔