لاہور( این این آئی)خاتون حمیز ہ مختیار نے قومی کرکٹر بابر اعظم کیخلاف ایک اور مقدمہ درج کرنے کی درخواست دائر کردی۔گزشتہ روز بابر اعظم کیخلاف مقدمہ درج کرنے کی درخواست پر سماعت ہوئی جس پر خاتون حمیزہ مختیار نے بابر اعظم پر ایک اور مقدمہ درج کرنے کی درخواست کی۔ خاتون کی جانب سے موقف اپنایا گیا کہ مخالف پارٹی کی جانب سے

دھمکی آمیز مسیجز موصول ہو رہے ہیں۔ بابر اعظم کیخلاف دھمکیاں دینے کا مقدمہ بھی درج کیا جائے۔حمیزہ کے وکیل نے بابر اعظم کے وکیل کے وکالت نامے پر سوالات اٹھا تے ہوئے کہا کہ بابر اعظم کے وکلا ء نے جعلی دستخط شدہ وکالت نامہ جمع کرایا۔  بابر اعظم بیرون ملک جانے سے پہلے وکالت نامہ سائن کر کے گئے؟۔ عدالت نے دونوں درخواستیں 23 دسمبر تک ملتوی کر دیں۔