راولپنڈی( آن لائن )سری لنکن ٹیم کے کپتان ڈی مووتھ کرونا رتنے کا کہنا ہے کہ مکی آرتھر پہلے پاکستان کے کوچ تھے اب ہمارے ساتھ ہیں۔ان کے ساتھ ٹریننگ کر کے پاکستان کی ٹیم کو جاننے کا موقع ملا ہے۔سری لنکن ٹیم کے کپتان ڈی مووتھ کرونا رتنے نے راولپنڈی میں پریس کانفرنس کرتے ہوئے کہا کہ میں پاکستان پہلی بارآیاہوں اورکافی خوش ہوں۔دس سال کے بعد یہاں آئے ہیں، یہ ایک اچھا موقع ہے۔انہوں نے کہا کہ
پاکستان کے ساتھ دبئی اور سری لنکا میں کھیلا ہے۔ پاکستان کے پاس اچھا باولنگ اٹیک ہے۔پاکستان کے ساتھ کھیلنا آسان نہیں ہے یہ ایک بہترین ٹیم ہے۔ مکی آرتھر کی وجہ سے ہمیں اچھا ایڈوانٹیج ملا ہے۔ ان کے آنے سے مدد ملی ، وہ پاکستانی ٹیم کو جانتے ہیں۔سری لنکن کپتان نے کہا کہ سری لنکن ٹیم میں تجربہ کار کھلاڑی موجود ہیں۔کوشش کریں گے اچھا کھیل پیش کریں۔ بہتر موقع پر بہتر فیصلہ کریگے یہی حکمت عملی ہے۔
