اسلام آباد( آن لائن )ڈائریکٹر انٹرنیشنل کرکٹ پی سی بی ذاکر خان نے کہا ہے کہ وہ انڈر 16 کرکٹ ٹیم کو پاکستان بھجوانے پر بنگلہ دیش کرکٹ بورڈ کے مشکور ہیں۔ سیریز کے انعقاد سے دونوں بورڈز کو مستقبل کے کرکٹرز کی تلاش میں مدد ملے گی۔انہوں نے کہا کہ بنگلہ دیش انڈر 16
کرکٹ ٹیم کا دورہ پاکستان میں انٹرنیشنل کرکٹ کی مکمل بحالی کی طرف ایک اور قدم ہے، یہ سیریز پاکستان میں انٹرنیشنل میچوں کے کامیاب انعقاد کی ضامن ہوگی۔ واضح رہے کہ بنگلہ دیش کی انڈر 16 ٹیم تین روزہ اور ون ڈے میچز کی سیریزکھیلنے کیلئے منگل کو پاکستان پہنچے گی۔
