اسلام آباد(مانیٹرنگ ڈیسک)انگلینڈ کے میچ سے قبل افغانستان کے کھلاڑی ایک ریسٹورنٹ میں کھانا کھانے گئے، جس دوران ایک شخص نے ان کی ویڈیو بنانے کی کوشش کی جس پر جھگڑا ہوا اور پولیس کو طلب کر لیا گیا۔رات سوا گیارہ بجے پیش آنے والے واقعے کے بعد کھلاڑی ریسٹورنٹ سے چلے گئے۔ گریٹر مانچسٹر پولیس نے واقعے کی تصدیق کی ہے اور کہا ہے کہ تحقیقات جاری ہیں لیکن کوئی گرفتاری عمل میں نہیں آئی ہے۔ ٹورنامنٹ میں افغان ٹیم کو پانچویں میچ

میں شکست ہوئی ہے۔منگل کی شام پریس کانفرنس میں جب افغان کپتان گلبدین نائب سے اس واقعے کے بارے میں دریافت کیا گیا تو انہوں نے لاعلمی ظاہر کی۔انکا کہنا تھا کہ اس بارے میں سکیورٹی آفیسریا منیجرہی بتا سکتے ہیں جب ان سے مزید سوالات ہوئےتو انہوں نے پریس کانفرنس سے واک آئوٹ کی دھمکی دی اور غصے میں دکھائی دیئے۔یاد رہے کہ مانچسٹرمیں یہ واقعہ اسی علاقے میں پیش آیا ہے جہاں شعیب ملک اور دیگر کرکٹرز کی ویڈیو منظر عام پر آئی تھی۔