ہفتہ‬‮ ، 17 مئی‬‮‬‮ 2025 

پشاورزلمی چین،آسٹریا کے بعد ترکی میں بھی کرکٹ کے فروغ کیلئے اپنا کردار ادا کرے گی

datetime 19  ‬‮نومبر‬‮  2018
ہمارا واٹس ایپ چینل جوائن کریں

اسلام آباد(آئی این پی)پاکستان سپر لیگ فرنچائز پشاور زلمی چین،آسٹریا کے بعد ترکی میں بھی کرکٹ کے فروغ کے لیے اپنا کردار ادا کرے گی۔زلمی فاونڈیشن اور ترکی اسپورٹس ڈیولپنگ فیڈریشن کے درمیان معاہدے پر دستخط ہو گئے،معاہدے کے تحت ترکی کے2 کرکٹرز پی ایس ایلفور میں پشاور زلمی کے سکواڈ کے ساتھ رہیں گے،پشاور زلمی ترکی میں کرکٹ کے فروغ میں مکمل تعاون،ترکی کی مینز

اور ویمنز ٹیم کے علاوہ گراس روٹ لیول پر کرکٹ کٹس کی فراہمی اور کوچنگ مہیا کی جائے گی، ترکی کے امپائرز کو بھی کوچنگ فراہم کی جائے گی اور ان امپائرز کو پاکستان میں ہونیوالے زلمی کرکٹ ٹورنامنٹس میں امپائرنگ کا موقع دیا جائیگا۔ پیر کو زلمی فاونڈیشن اور ترکی اسپورٹس ڈیولپنگ فیڈریشن کے درمیان اسلام آباد میں ترکی کے سفارتخانے میں ایک پروقار تقریب میں ایم او یو پر دستخط کیے گئے۔زلمی فاونڈیشن کی جانب سے چیئرمین جاوید آفریدی جبکہ ترکی کی اسپورٹس ڈیولپنگ فیڈریشن کے صدر حسن ازترک نے ایم او یو دستخط کیے۔تقریب میں شرکت کے لیے ترکی کی اسپورٹس ڈیولپنگ فیڈریشن کا وفد خصوصی طور پر پاکستان آیا،جن میں ترکی کے نیشنل کرکٹرز ،انقرہ اسپورٹس کلب کے صدر حسن سابت،انقرہ اسپورٹس کلب کے انٹرنیشنل کوآرڈی نیٹر سلمان علی شامل تھے ۔اس موقع پر چیرمین پشاور زلمی جاوید آفریدی نے کہا کہ پاکستان اور ترکی کے درمیان برادرانہ اور دوستانہ تعلقات نصف صدی سے زائد سے قائم ہیں،پاکستان اور ترکی کی عوام کے درمیان دوستی کے رشتے کو مزید مظبوط کرنے میں کرکٹ اپنا کردار ادا کرے گی، پشاور زلمی اور زلمی فاونڈیشن ترکی میں کرکٹ کے فروغ میں مکمل تعاون کرے گی،اس سلسلے میں ترکی کی مینز اور ویمنز ٹیم کے علاوہ گراس روٹ لیول پر کرکٹ کٹس فراہم کی جائے گی،جونیر اور اسکول لیول پر کرکٹ کٹس اور کوچنگ مہیا کی جائے گی،پشاور زلمی کے

کوچز اور کرکٹرز ترکی جاکر نوجوان کرکٹرز کو کوچنگ فراہم کریں گے،کرکٹرز کے علاوہ ترکی کے امپائرز کو بھی کوچنگ فراہم کی جائے گی اور ان امپائرز کو پاکستان میں ہونیوالے زلمی کرکٹ ٹورنامنٹس میں امپائرنگ کا موقع دیا جائیگا،اس کے علاوہ سب سے بڑھ کر دو ترکی کے کرکٹرز پاکستان سپر لیگ فور میں پشاور زلمی کے

اسکواڈ کے ساتھ موجود رہیں گے اور انہیں پاکستان کے ساتھ غیر ملکی اسٹار کرکٹرز کے ساتھ رہنے اور سیکھنے کا بہترین موقع ملے گا۔پاکستان میں تعینات ترکی کے سفیر مصطفی یرداکل نے کہا کہ ترکی میں کرکٹ کا ٹیلنٹ موجود ہے۔زلمی فانڈیشن کے ساتھ ایم او یو سائن کرنے کے بعد ترکی کے نوجوان کرکٹرز کو اس دلچسپ کھیل کو سیکھنے اور مہارت حاصل کرنے میں مدد ملے گی۔

موضوعات:

آج کی سب سے زیادہ پڑھی جانے والی خبریں


کالم



7مئی 2025ء


پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…