لاہور (این این آئی)پاکستان سپر لیگ کے فائنل کیلئے آنے والے ملکی و غیر ملکی کرکٹرز کو مقامی ہوٹل میں لاہور کا روایتی ناشتہ پیش کیا گیا ۔ ذرائع کے مطابق دیسی ناشتے میں بکرے کے پائے ،نہاری ،حلیم ،انڈہ چنے اور دیگر ڈشیں شامل تھیں ٗکھلاڑیوں نے دیسی ناشتہ کو بہت پسند کیا اور مزے سے کھایا س موقع پر ہوٹل میں ٹھہرے ہوئے دیگر افراد اور ہوٹل کے عملہ نے کھلاڑیوں کے ساتھ سیلفیاں بھی بنائیں-دوسری جانب پی ایس

ایل فائنل شروع ہونے سے قبل ہی پاک فوج، رینجرز اور پنجاب پولیس کے 10 ہزار اہلکاروں نے قذافی اسٹیڈیم کی ملحقہ عمارتوں اور روڈوں کا کنٹرول سنبھال لیا۔ نجی ٹی وی کے مطابق قذافی اسٹیڈیم کی جانب آنے والے فیروز پورہ روڈ اور مین بلیووارڈ گلبرگ روڈ پر سخت سیکیورٹی کے انتظامات کرتے ہوئے چیک پوسٹیں بنائی گئیں ٗسیکیورٹی کو یقینی بنانے کیلئے صوبہ پنجاب دیگر شہروں سے اعلیٰ اور تجربہ کار پولیس افسران کو طلب کیا گیا ہے جنہیں دوران میچ خصوصی ذمہ داریاں دی گئیں۔