اسلام آباد(مانیٹرنگ ڈیسک)میرا بیٹا بے قصور ہے اس نے ایسا کوئی کام نہیں کیا جس سے ملک کی بدنامی ہو، معطل معروف پاکستانی بلے باز شرجیل خان کے والد سہیل خان بیٹے کے دفاع کیلئے میدان میں کود پڑے۔ تفصیلات کے مطابق مشکوک افراد سے تعلقات کے شبہ میں پاکستان سپر لیگ سے نکالے گئے معطل پاکستانی بلے باز شرجیل خان کے والد کا کہنا ہے کہ ان کا بیٹا بے قصور ہے اور اس نے ایسا کوئی کام نہیں کیا جس سے ملک کی بدنامی ہو،

پی سی بی تحقیقات کر لے۔ ان کا کہنا تھا کہ کھلاڑیوں کے ساتھ ان کے بہت سارے پرستار تصاویر بنواتے ہیں۔شرجیل خان جس ہوٹل میں مقیم تھا وہاں 1500 کمرے ہیں ہو سکتا ہے لابی میں شرجیل کی کسی سے ملاقات ہوئی ہو۔ سہیل خان نے کہا کسی کے ماتھے پر نہیں لکھا کون اچھا ہے اور کون بُرا ہے۔ امید ہے شرجیل خان تمام الزامات سے بری ہونگے۔