لاہور(آئی این پی)سابق کپتانوں کی حمایت کے بعد سرفراز احمد نے معروف کرکٹ ویب سائٹ کے سروے میں بھی سب کو پیچھے چھوڑ دیاکون ہوگا پاکستان کرکٹ ٹیم کا نیا کپتان اس سلسلے میں وسیم اکرم، معین خان اور شاہد آفریدی سمیت کئی سابق کپتانوں نے اپنا ووٹ سرفراز احمد کے پلڑے میں ڈال دیا ہے لیکن ساتھ ہی کرکٹ کی معروف ویب سائٹ نے بھی عوام کا فیصلہ بھی سامنے لی آئی ہیں
اب صرف پاکستان کرکٹ بورڈ کی حتمی منظوری کا انتظار ہے۔معروف کرکٹ ویب سائٹ کے سروے میں ایک لاکھ تیرہ ہزار سے زائد افراد نے اپنی رائے کا استعمال کیا جس میں سے ستاون ہزار تین سو تیرانوے افراد نے سرفراز احمد کے حق میں ووٹ دیا دوسرے نمبر پر کپتانی کے امیدوار شعیب ملک کو اٹھائیس ہزار نو سو سینتیس ووٹ جب کہ صرف سات ہزار افراد نے عماد وسیم کو ووٹ دیا ناقص کپتانی کرنے والے اظہر علی کو بھی چھ ہزار ووٹ ملے۔واضح رہے کہ پی سی بی مارچ اور اپریل میں دورہ ویسٹ انڈیز کے لیے نئے ون ڈے کپتان کا اعلان کرے گاجبکہ ٹیسٹ کپتان کا فیصلہ مصباح الحق کی ریٹائرمنٹ سے مشروط ہے۔
