ولنگٹن (این این آئی)نیوزی لینڈ میں مقامی کلب میں کھیلے گئے میچ کے دور ان بیٹسمین 117گیندوں پر بغیر کسی رن کے ناٹ آؤٹ رہا۔ تفصیلات کے مطابق اوٹاگو کنٹری کلب کا مقامی ایونٹ میں ساؤتھ لینڈ سے میچ جاری تھا اوٹاگو کی ٹیم سخت 99 پر سات وکٹ گنوا کر شکست کے قریب تھی۔ میچ ختم ہونے میں 30 سے زائد اوورز باقی تھے۔
اس موقع پر کپتان فریزر ولسن کریز پر پہنچے اور ڈرا ذہن میں رکھ کر بولرز کو تھکانا شروع کردیاانہوں نے اس دوران 119 گیندوں کا سامنا کیا تاہم کوئی رن نہ بنایا لیکن بدقسمتی سے ہیپی اینڈنگ کے قریب ان کے ٹیم کے بیٹسمین ایک اوور میں آؤٹ ہوئے اور فریزر دوسرے اینڈ سے یہ تماشہ دیکھنے پر مجبور تھے۔بعدازاں میڈیا سے گفتگو میں انہوں نے انکشاف کیا میچ سے قبل ان کی آنکھ میں تکلیف تھی، انہوں نے پورا میچ ایک آنکھ کی مدد سے کھیلا۔