کارڈف(نیوزڈیسک)کارڈف میں جاری ایشز ٹیسٹ سیریز کے پہلے میچ کے تیسرے دن انگلش ٹیم کی پوزیشن مزید مضبوط ہوگئی ہے۔اس طرح اسے آسٹریلیا پر 400 سے زیادہ رنز کی مجموعی برتری حاصل ہوگئی ہے۔اب سے کچھ دیر قبل جوس بٹلر سات، بین سٹوکس 42 اور سٹوورٹ براڈ چار رنز بنا کر آو¿ٹ ہوئے۔پہلی اننگز کی طرح دوسری اننگز میں بھی انگلش ٹیم کا آغاز اچھا نہ تھا اور اس کی ابتدائی دو وکٹیں 22 کے مجموعی سکور پر گر گئی تھیں۔انگلینڈ کی جانب سے پہلی اننگز میں سنچری بنانے والے جو روٹ دوسری اننگز میں 60 رنز بنا کر مچل جانسن کی گیند پر کلین بولڈ ہوئے۔اس سے قبل 73 رنز پر تین وکٹیں گرنے کے بعد ایئن بیل اور جو روٹ نے اننگز کو سنبھالا دیا اور چوتھی وکٹ کے لیے 97 رنز کی شراکت قائم کی۔انگلینڈ کے نوجوان فاسٹ بولر مارک وڈ نے عمدہ بولنگ کا مظاہرہ کیااس موقع پر مچل جانسن نے نصف سنچری بنانے والے بیل کو 60 کے سکور پر بولڈ کر کے آسٹریلوی ٹیم کو چوتھی کامیابی دلوائی۔جمعے کو کھیل کے ابتدائی سیشن میں آسٹریلیا کی ٹیم اپنی پہلی اننگز میں 308 رنز بنا کر آو¿ٹ ہوگئی اور اس طرح انگلینڈ کو آسٹریلیا پر 122 رنز کی برتری ملی۔آسٹریلیا کے آخری پانچ کھلاڑی تیسرے دن سکور میں صرف 44 رنز کا ہی اضافہ کر سکے۔انگلینڈ کی جانب سے تمام بولرز نے ہی اچھی بولنگ کی اور جیمز اینڈرسن نے تین جبکہ سٹوارٹ براڈ، معین علی اور مارک وڈ نے دو، دو وکٹیں لی۔