لاہور(نیوزڈیسک )ویسٹ انڈیز کے بعد پاکستان کرکٹ بورڈ نے بھی اگست میں زمبابوے میں ہونے والے سہ ملکی ٹورنامنٹ میں شرکت کی تصدیق کردی ہے۔پی سی بی حکام نے اگست میں زمبابوے میں کھیلے جانے والے 3 ملکی ٹورنامنٹ میں شرکت کی تصدیق کر دی ہے۔ تین ملکی ٹورنامنٹ اگست سے ستمبر تک زمبابوے میں کھیلا جائے گا تاہم میچز کی تاریخوں کا اعلان تینوں بورڈز کی باہمی مشاورت کے بعد ہی کیا جائے گا ۔ اس سے قبل ویسٹ انڈیز کرکٹ بورڈ کی جانب سے بھی سیریز میں شمولیت کی تصدیق کی جا چکی ہے۔واضح رہے کہ چند دن پہلے زمبابوے پاکستان اور ویسٹ انڈیز کے درمیان ہونے والی تین ملکی سیریز کی تیاریاں شروع ہونے کے بعد بنگلہ دیش نے بین الاقوامی کرکٹ کے شیڈولنگ سسٹم کو تنقید کا نشانہ بنایاتھا میڈیا رپورٹ کے مطابق بنگلہ دیش نے بھارت کو حال ہی میں تین میچوں پر مشتمل سیریز میں شکست دی تھی جس کے بعد ماضی میں کمزور سمجھے جانے والی ایشین ٹیم نے چیمئنز ٹرافی کےلئے کوالیفائی کرنے کا جشن منایااس سے قبل بنگلہ دیش نے پاکستان کو بھی تین صفر سے مات دی تھی جس کے بعد آئی سی سی رینکنگ میں اس کی پوزیشن ساتویں ہوگئی اور یہ پاکستان اور ویسٹ انڈیز سے آگے ہے۔میزبان انگلینڈ کے علاوہ دنیائے کرکٹ کی ساتھ دیگر ٹیمیں 2017 میں چیمپئنز ٹرافی میں میں حصہ لیں گی جس کے لیے کوالیفائی کرنے کی آخری تاریخ 30 ستمبر ہے تاہم حال ہی میں ویسٹ انڈیز نے تصدیق کی کہ ان کی ٹیم زمبابوے میں پاکستان اور میزبان ٹیم کے ساتھ تین ملکی سیریز کھیلے گی جس کے بعد بنگلہ دیش کے ٹورنامنٹ سے باہر ہونے کا خدشہ پیدا ہوگیا ہے۔