ارنڈیل(نیوزڈیسک )انگلش کاونٹی میں ٹی ٹوئنٹی میچ کے دوران دو کھلاڑی تصادم کے نیجے میں شدید زخمی ہو کر ہسپتال پہنچ گئے۔انگلینڈ میں جاری ٹی ٹوئنٹی ٹورنامنٹ نیٹ ویسٹ بلاسٹ اتوار کو سرے اور سسیکس کے درمیان جنوبی انگلینڈ میں ارنڈیل کاسل کرکٹ کلب میں کھیلا گیا میچ اس حادثے کے بعد منسوخ کردیا گیا۔سسیکس کی اننگ کے دوران موئس ہینرکس اور رورے برنس ایک کیچ پکڑنے کی کوشش میں ایک دوسرے سے ٹکرا کر بری طرح زخمی ہو گئے۔سسیکس کے بلے باز پیولیٹ کا کیچ پکٹرنے کی کوشش میں ہینریکس پوائنٹ پوزیش سے الٹے بھاگے جبکہ باﺅنڈری سے آنے والے برنز بھی کیچ لینے کی کوشش میں گیند کی جانب لپکے لیکن دونوں کھلاڑیوں کی ایک دوسرے پر نظر نہیں رہی اور دونوں میں تصاد ہو گیا۔آسٹریلیا کیلئے تین ٹیسٹ اور چھ ایک روزہ کھیلنے والے ہینریکس کا جبڑا اس حادثے میں تین جگہ سے ٹوٹ گیا جبکہ برنز کو سر اور چہرے پر چوٹیں آئیں۔واضح رہے پرتگالی نڑاد 28 سالہ آسٹریلین کرکٹر ہینریکس نے نیٹ ویسٹ بلاسٹ اپریل میں سرے سے معاہدے پر دستخط کیے۔