نیویارک (نیوزڈیسک) امریکی میگزین “فوربز ” نے دنیا کے امیر ترین ایتھلیٹس کی لسٹ جاری کر دی ، امریکہ کے سپر سٹار باکسر فلوئیڈ مے ویدر کا لسٹ میں پہلا نمبر ، امریکی میگزین “فوربز” نے حال ہی میں دنیا کے امیر ترین ایتھلیٹس کی لسٹ جاری کی ہے ، لسٹ میں دنیا بھر سے 100 کے قریب کھلاڑیوں کو شامل کیا گیا ہے ، امریکہ کے سٹار باکسر فلوئیڈ مے ویدر کا نام امیر ترین کھلاڑیوں کی فہرست میں پہلے نمبر پر ہے ، انہوں نے گزشتہ ایک سال کے دوران 300 ملین امریکی ڈالر کمائے جس میں سے زیادہ تر حصہ فلپائن کے باکسر مینی پیکیو کیساتھ دنیا کی سب سے مہنگی ترین لڑائی جیتنے پر حاصل ہوا ، فلپائنی باکسر 160 ملین امریکی ڈالرز کیساتھ دوسرے جبکہ فٹبال کلب رئیل میڈرڈ کے مایہ ناز پلیئر کرسٹیانو رونالڈو اناسی اعشاریہ چھ ملین ڈالرز کیساتھ تیسرے نمبر پر ہیں ، دنیا کے امیر ترین کھلاڑیوں کی فہرست میں صرف 2 خواتین امریکی ورلڈ نمبر ون ٹینس پلیئر سرینا ولیمز اور روس کی ماریہ شرا پوا شامل ہیں جن کا بالترتیب سینتالیسواں اور چھبیسواں نمبر ہے