کراچی(نیوزڈیسک) سابق آل راو¿نڈر اظہر محمود کا کہنا ہے کہ جنید خان کو مستقل بنیادوں پر محدود اوورز کے میچز میں منتخب کیا جائے۔ کھلاڑیوں کی سلیکشن میں تسلسل بھی ایک مسئلہ ہے۔ ان کا کہنا تھا کہ انہیں ٹیم کی ون ڈے رینکنگ میں نویں پوزیشن پر موجودگی سے مایوسی ہوئی ہے جہاں ٹاپ فور میں ہونا چاہئے۔ اپنی سر زمین پر مقابلوں میں ہوم ایڈوانٹیج کی عدم موجودگی بھی حالیہ صورتحال کی بنیادی وجہ ہے جس کے باعث آئندہ چیمپئنز ٹرافی میں شرکت کا انحصار دورہ سری لنکا پر ہے۔ انہوں نے زمبابوے کے دورے پر پی سی بی کو مبارکباد دیتے ہوئے کہا کہ مقابلوں میں مہمان ٹیم کی جانب سے زیادہ رنز بنائے گئے۔