لاہور (نیوز ڈیسک) آج شام زمبابوے اور پاکستان کے بیچ ہوم گراو¿نڈ پر کھیلے گئے میچ کے بعد سے پاکستانی کرکٹ تاریخ میں آج کا دن ہمیشہ یاد رکھا جائے گا تاہم اس تاریخ ساز موقع پر پی سی بی نے ماضی کے ہیروز کو نظرانداز کردیا۔ معلوم ہوا ہے کہ پی سی بی کی جانب سے ظہیر عباس انکلوڑر کیلئے سابق کھلاڑیوں کو صرف دو دو ٹکٹس دی گئی ہیں۔ سینیئرز اس سے زیادہ ٹکٹس کے خواہشمند تھے تاہم پی سی بی نے انکار کردیا۔ اس موقع پر بجائے اس کے کہ پی سی بی سینئرز کا احترام کرتی انہیں ہری جھنڈی دکھائی گئی جس سے سینئرز کافی دلبرداشتہ ہوئے اور سننے میں آیا ہے کہ بہت سے کرکٹرز یہ ٹکٹس واپس کرچکے ہیں۔ کچھ کرکٹرز کوامید ہے کہ پی سی بی اپنے فیصلے پر نظر ثانی کرے گی تاہم اکثریت میچ کے بائیکاٹ کیلئے تیار دکھائی دیتی ہے۔