لاہور(نیوز ڈیسک) پاکستانی فاسٹ بولر محمد عامر کی بگ بیش ٹی ٹوئنٹی لیگ کا حصہ بننے کی امیدیں دم توڑ گئیں، سڈنی تھنڈرز نے فاسٹ بولر کو اپنی ٹیم کا حصہ بنانے سے معذرت کر لی۔ محمد عامر نے اپنے ایجنٹ سِمون آٹیری کے ذریعے سڈنی تھنڈرز سے رابطہ کیا تھا اور ٹیم کا حصہ بننے کی خواہش ظاہر کی تھی، سڈنی تھنڈرز کے جنرل مینجر نِک کمنز کا کہنا ہے کہ انہیں اپنی ٹیم کے لئے فاسٹ بولر کی بجائے آل راو¿نڈر کی ضرورت ہے، اس لئے وہ محمد عامر سے معاہدہ نہیں کر سکتے۔ واضح رہے کہ ڈومیسٹک کرکٹ کھیلنے پر عائد پابندی ہٹنے کے بعد محمد عامر نے سپر ایٹ ٹی ٹوئنٹی ایونٹ میں حصہ لیا۔ان پر اسپاٹ فکسنگ کیس میں عائد کی گئی انٹرنیشنل کرکٹ کھیلنے پر پابندی ستمبر میں ختم ہو گی۔ محمد عامر کے ایجنٹ کا کہنا ہے کہ محمد عامر نوجوان اور باصلاحیت بولر ہیں اور ہماری خواہش تھی کہ انٹرنیشنل کرکٹ شروع کرنے سے قبل ہی انہیں دیگر ملکوں میں کرکٹ کھیلنے کا تجربہ حاصل ہو۔ ہمارا خیال تھا کہ سڈنی تھنڈرز میں ان کیلئے گنجائش موجود ہے لیکن ہماری یہ امید پوری نہیں ہو سکی۔