حیدرآباد(نیوز ڈیسک) آئی پی ایل میں ممبئی انڈینز نے سن رائزرز حیدرآباد کے خلاف 9 وکٹ کی بڑی فتح سے پوائنٹس ٹیبل پر دوسری پوزیشن حاصل کرلی، دفاعی چیمپئن کولکتہ نائٹ رائیڈرز ناک آو¿ٹ راو¿نڈ سے باہر ہوگئے، بارش رائل چیلنجرز بنگلور کیلیے باعث رحمت بن گئی۔
ممبئی انڈینز نے آخری لیگ میچ میں سن رائزرز حیدرآباد کو 37 بالز قبل 9 وکٹ سے شکست دی اس طرح وہ پوائنٹس ٹیبل پر دوسرے نمبر پر پہنچ گئی۔ 114 رنز کا ہدف صرف ایک وکٹ پر 13.5 اوورز میں حاصل کیا، پرتھیو پٹیل 51 رنز پر ناٹ آو¿ٹ رہے۔ اس سے پہلے حیدرآباد کی ٹیم 113 رنز پر آو¿ٹ ہوگئی۔ میک کلینگن نے 3 وکٹیں لیں۔ اس سے قبل رائل چیلنجرز بنگلور کا دہلی ڈیر ڈیولز سے مقابلہ بارش کی نذر ہوا مگر ایک قیمتی پوائنٹ سے وہ تیسرے نمبر پر موجود رہی۔ ٹاپ پوزیشن پر چنئی سپر کنگز براجمان ہے جبکہ راجستھان رائلز کی چوتھی پوزیشن ہے۔ دفاعی چیمپئن کولکتہ نائٹ رائیڈرز پانچویں نمبر پر رہنے کی وجہ سے ناک آو¿ٹ راو¿نڈ کے لیے کوالیفائی نہیں کرپائی ہے۔