لاہور(نیوزڈیسک)زمبابوے کی کرکٹ ٹیم کو دورہ پاکستان کے دوران اسٹیٹ گیسٹ کادرجہ دیا جائیگا،ٹیم کی تحفظ کیلئے سیکیورٹی پلان تبدیل کردیا گیا ہے اس حوالے سے لاہور میں پولیس کی فل ڈریس ریہرسل ہوئی ۔زمبابوےکی کرکٹ ٹیم (کل)19مئی کو دورہ پاکستان پر لاہورپہنچے گی،ٹیم کو اسٹیٹ گیسٹ کا درجہ دیاجائیگا،ٹیم کی سیکیورٹی یقینی بنانے کیلئے پولیس نے فل ڈریس ریہرسل کی جس میں ایلیٹ فورس کی گاڑیوں اور پولیس کی بھاری نفری نے حصہ لیا ٹیم کی آمد اور ہوٹل سے اسٹیڈیم تک سفر کے دوران ٹریفک مکمل طور پر معطل رہے گی ¾زمبابوےکی ٹیم کو پولیس کی 6 ہزار جوان حصارمیں لئے رکھیں گے ، ایلیٹ فورس کی 100سےزائد گاڑیاں قافلے کے ساتھ ساتھ ہونگی،3 ہزار نفری اسٹیڈیم کے اندر ہو گی،جبکہ ہیلی کاپٹرز ہوٹل اور اسٹیڈیم میں فضائی نگرانی کرینگے