لاہور (نیوز ڈیسک)سابق کرکٹرز عبدالقادر نے کہا کہ یہ تاثرغلط ہے کہ زمبا بوے سیریزسے پاکستان میں انٹرنیشنل کرکٹ بحال ہوجائےگی، پی سی بی کوسیریز اچھے طریقے سے منعقد کروانی چاہیئے۔لاہور میں ہونے والی تقریب کے بعد میڈیا سے گفتگو کرتے ہوئے سابق ٹیسٹ کرکٹر عبدالقادر کا کہنا تھا کہ زمبابوے ٹیم کو پاکستان بلانے میں جلد بازی کی جا رہی ہے۔اگر کوئی بڑا واقعہ رونما ہوگیا تو آئندہ کوئی بھی ٹیم پاکستان نہیں آئے گی۔پاکستان میں باقاعدہ انٹرنیشنل کرکٹ تب شروع ہوگی جب آسٹریلیا،،انگلینڈ،جنوبی افریقہ اور بھارت جیسی ٹیمیں یہاں آکے کھیلیں گی۔قومی کرکٹ ٹیم کے سابق کپتان سلیم ملک کا ماننا ہے کہ اگر زمبابوے جیسی چھوٹی ٹیمیں پاکستان آ کر کھیلنا شروع کریں گی تو بڑی ٹیموں کو دعوت دی جاسکتی ہے۔سابق ٹیسٹ کرکٹرز کا یہ بھی کہنا تھا کہ پی سی بی کو زمبابوے سیریز اچھے طریقے سے منعقد کروانی چاہیئے۔