لندن (نیوز ڈیسک) نوجوان بلے باز جو روٹ انگلینڈ ٹیسٹ کرکٹ ٹیم کے نائب کپتان مقرر ہو گئے۔ جیسن گیلسپی کوچنگ پوزیشن کیلئے مضبوط امیدوار ہیں۔ انگلینڈ اینڈ ویلز کرکٹ بورڈ (ای سی بی) کے ڈائریکٹر اینڈریو سٹراﺅس نے اپنے بیان میں کہا ہے کہ جو روٹ باصلاحیت پلیئر ہیں ان کی قائدانہ صلاحیتوں میں نکھار لانے کیلئے انہیں رواں برس نیوزی لینڈ اور آسٹریلیا کے خلاف شیڈول ٹیسٹ سیریز کیلئے نائب کپتانی کی ذمہ داری دی گئی ہے، میں سمجھتا ہوں کہ روٹ کو نائب کپتان مقرر کرنے کا یہ صحیح وقت ہے اور اس سے ٹیم کو فائدہ ہو گا اور ہمیں مستقبل کیلئے مضبوط ٹیسٹ کپتان بھی تیار کرنے میں بھی مدد ملے گی۔ انہوں نے کہا کہ قومی ٹیم کی کوچنگ کیلئے جیسن گلیسپی سمیت ٹام موڈی، جسٹن لینگر بھی دوڑ میں شامل ہیں تاہم گیلسپی عہدے کیلئے مضبوط امیدوار ہیں اور ہم مشاورت کے بعد ہی حتمی فیصلہ کریں گے۔