لندن(نیوزڈیسک) برطانوی باکسر عامر خان نے اعلان کیا ہے کہ ماہ رمضان منانے کے باوجود وہ ستمبر میں فلوئیڈ مے ویدر کے ساتھ مقابلے کیلئے تیار ہوں گے۔گزشتہ ہفتے مینی پیکاو ¿ کو دنیا کے سب سے قیمتی میچ میں پوائنٹس کی بنیاد پر شکست دینے والے مے ویدر نے کہا تھا کہ وہ ستمبر میں آخری مرتبہ رنگ میں اتریں گے۔امکان ہے ماہ رمضان جولائی کے وسط میں ختم ہو جائے گا اور انہیں امریکی حریف سے میچ کیلئے مکمل تیاری کیلئے کافی وقت مل جائے گا۔29مئی کو نیو یارک میں کرس الجیری کے خلاف میچ کی پروموشن کیلئے ایک کانفرنس کال کے دوران انہوں نے صحافیوں کو بتایا کہ وہ ستمبر میں میچ کو خارج ازمکان قرار نہیں دے رہے کیونکہ اس کے ہونے کے پورے امکانات موجود ہیں۔مے ویدر وسط ستمبر میں ہی لڑیں گے اور رواں سال رمضان جلدی آنے سے مجھے مدد ملے گی۔ اس سے مجھے ٹریننگ کیلئے بہت سا وقت مل جائے گا۔عامر خان نے کہاکہ باکسنگ میں بڑے ناموں کے آس پاس پہنچنے کیلئے انہیں یہ مقابلہ ہر صورت جیتنا ہو گا۔یہ وقت الجیری سے مقابلہ کا ہے۔ یہ میچ جیتنے تک میں مے ویدر سے مقابلہ نہیں کروں گا۔