لاہور(نیوز ڈیسک)قومی کرکٹ ٹیم کے منیجر نوید اکر م چیمہ نے کہاہے کہ قومی ٹیم آج شام 6بجے دورہ بنگلہ دیش پر روانہ ہو گی۔تفصیلات کے مطابق ٹیم منیجر نے کہاہے کہ کوچنگ سٹاف کھلاڑیوں کی کارکردگی سے مطمئن ہیں اور کھلاڑی دورہ بنگلہ دیش میں اچھا کھیل پیش کریں گے۔اس موقع پر قومی ٹیم کے کپتان اظہر علی نے یونی ویژن نیوزسے گفتگوکرتے ہوئے کہاکہ ورلڈ کپ میں بنگلہ دیش کی کارکردگی اچھی رہی ہے اور دونوں ٹیموں کے درمیان مقابلہ سخت ہو گا۔انہوں نے کہاکہ قومی ٹیم کو جدید کرکٹ کے مطابق خود کوڈھالنے کی ضرورت ہے ،نوجوان کھلاڑیوں پر پورا بھروسہ ہے ،کھلاڑی دورہ بنگلہ دیش میں اچھا کھیل پیش کریں گے۔ان کا کہناتھا کہ انہیں مصباح الحق کی کمی محسوس ہو گی لیکن وہ کوشش کریں گے کہ قومی ٹیم اچھاپرفارم کرے اور کپتانی بھی چیلنج سمجھ کر ہی قبول کی ہے۔