آکلینڈ(نیوزڈیسک) جنوبی افریقا کے مایہ ناز فاسٹ بولر ڈیل اسٹین نے کہا ہے کہ پاکستان کے خلاف میچ کسی صورت آسان نہیں ہوگا اور ہمیں یہ میچ جیتنے کے لئے سخت محنت کرنا ہوگی۔آکلینڈ میں پاکستان کے خلاف میچ سے قبل میڈیا سے بات کرتے ہوئے ڈیل اسٹین نے کہا کہ پاکستانی ٹیم اس وقت مشکل صورتحال سے دوچار ہے لیکن اس کے باوجود ہمارے لئے یہ میچ جیتنا آسان نہیں ہوگا، پاکستانی ٹیم مسلسل 2 میچز جیتنے کے بعد پرعزم ہوگی لہٰذا ہمیں یہ میچ جیتنے کے لئے بھرپور محنت اور منصوبہ بندی کے ساتھ کھیلنا ہوگا۔ انہوں نے کہا کہ اس بات سے فرق نہیں پڑتا کہ میں یا کوئی اور بولر کتنی وکٹیں حاصل کرتا ہے اصل اہمیت اس بات کی ہے کہ آپ کی کارکردگی ٹیم کے کتنے کام آتی ہے۔
جنوبی افریقی کپتان اے بی ڈیویلیئرز کے حوالے سے ڈیل اسٹین کا کہنا تھا کہ ڈیویلئرز بڑے بیٹسمین ہیں اور بڑا بیٹسمین یہ نہیں دیکھتا کہ باو¿نڈری چھوٹی ہے یا بڑی اسی طرح بڑا بولر یہ نہیں دیکھتا کہ وکٹ پر گھاس ہے یا سیدھی وکٹ ہے، اے بی ڈیویلیئرز نیٹ پریکٹس کے دوران بھی آپ کو اپنے گ±ر اور راز نہیں بتاتے جب کہ امید ہے کہ وہ پاکستان کے خلاف میچ اور اس کے بعد بھی شاندار بلے بازی کا مظاہرہ کریں گے