دبئی(نیوز ڈیسک) عالمی نمبرایک نوواک جوکووچ اوربرطانیہ کے اینڈی مرے حریفوں کوشکست دے کردبئی ٹینس چیمپیئن کے دوسرے راونڈ میں پہنچ گئے،دبئی میں جاری اے ٹی پی ایونٹ کے پہلے راونڈ میں ٹاپ سیڈ سربیا کے نوواک جوکووچ نے کینیڈا کے واسک پوسپیسل کوشکست دے کرایونٹ کا فاتحانہ آغازکیا، جوکووچ نے کینیڈین حریف کوصرف اٹھہترمنٹ کے مقابلے کے بعد چھ چاراورچھ چارسے مات دی،یہ جوکووچ کی پوسپیسل کے خلاف مسلسل تیسری کامیابی ہے، جوکووچ آسٹریلین اوپن کا ٹائٹل جیتنے کے بعد پہلا میچ کھیل رہے تھے،تھرڈ سیڈ برطانیہ کے اینڈی مرے نے بھی دوسرے راونڈ میں قدم رکھ دئیے، مرے نے پہلے راونڈ میں لکسم برگ کے جائلزمولرکواسٹریٹ سیٹس میں چھ چاراورسات پانچ سے زیرکیا،مرے دوسرے راونڈ میں پرتگال کے یوآوسوسا کے مدمقابل آئیں گے۔