معین خان نے کہا کہ وہ کیسینو اہلیہ کے ساتھ کھانا کھانے گیا تھا‘ موجودہ حالات میں معین خان کو واپس بلا لیا گیا ہے او روہ پہلی دستیاب فلائیٹ پر واپس آ جائیں گے۔چیئرمین پی سی بی شہریار خان کا کہنا ہے کہ سب باتیں بھول کر قومی ٹیم کو سپورٹ کریں۔ اس سے قبل معین خان نے جوا ءخانے جانے پر معافی مانگ لی تھی‘پاکستان کرکٹ ٹیم کے منیجر نوید اکرم چیمہ نے معین خان کے جوا خانے جانے سے متعلق اپنی ابتدائی رپورٹ سے چیرمین پی سی بی کو آگاہ کردیا ہے جس میں کہا گیا ہے کہ چیف سلیکٹر نے اپنے اقدام پر معافی مانگی ہے۔نوید اکرم چیمہ کی رپورٹ میں کہا گیا ہے کہ معین خان نے اعتراف کیا ہے کہ وہ جوا خانے گئے تھے لیکن انہوں نے وہاں کھانا کھایا تھا تاہم وہ اپنی اس حرکت پر معذرت چاہتے ہیں، قومی ٹیم کے منیجر نے اپنی رپورٹ کے بارے میں چیرمین پی سی بی کو آگاہ کردیا ہے۔ قوی امکان ہے وہ زمبابوے کے خلاف میچ سے قبل ہی وطن واپس لوٹ آئیں گے۔