لاہور ایک شخص جو خود کو گیارہواں خلیفہ کہنے اور آرمی چیف اور عمران خان کو اتباع کا کہنے والے شخص کو ساہیوال سے گرفتار کر لیا گیا ہے، یاد رہے کہ گزشتہ کئی دن سے ایک ویڈیو سوشل میڈیا پر وائرل تھی جس میں یہ شخص دعویٰ کر رہا تھا کہ وہ امام مہدیؑ سے قبل گیارہواں خلیفہ ہے۔ اس شخص نے ویڈیو میں یہ بھی کہا کہ

وزیراعظم عمران خان اور جنرل قمر جاوید باجوہ بھی میری اتباع کریں اگر یہ ایسا نہیں کریں گے تو انہیں اللہ کے غیض وغضب کا سامنا کرنا پڑے گا۔ اس شخص کو فرحان احمد ولد منیر احمدکے نام سے شناخت کر لیا گیا ہے اور اسے ساہیوال سے گرفتار بھی کر لیا گیا ہے۔

خانیوال کی تحصیل جہانیاں کے گاؤں 135 10/R قدیم میں عبداللہ بن منیب بن شہاب الدین بن فرحان نے گیارہواں خلیفہ ہونے کا دعویٰ کیا ہے اور کہا کہ اس کا ظہور ہو چکا ہے۔ ذرائع کا کہنا ہے کہ جب ملزم نے خلافت کا اعلان کیا تو اس موقع پر لوگوں کی کثیر تعداد موجود تھی۔ اس شخص کے بارے میں اہل علاقہ نے پولیس کو آگاہ کیا اور اس کے خلاف کارروائی کرنے کا مطالبہ کیا ہے۔