ﯾﮧ ﻟﮍﮐﺎ ﮐﻮﻥ ﮨﮯ ﺟﻮ ﺍﺑﮭﯽ ﮔﺰﺭﺍ ﮨﮯ؟ ﺩﻭہزﺍﺭ ﮔﺰ ﭘﺮ ﺑﻨﯽ ﻗﻠﻌﮯ ﺟﯿﺴﯽ ﺣﻮﯾﻠﯽ ﺳﮯ ﺑﮍﮮ ﺳﺎﺋﯿﮟ ﮐﯽ ﭘﺮﺍﮈﻭ ﺁﮨﺴﺘﮧ ﺁﮨﺴﺘﮧ ﺑﺎﮨﺮ ﻧﮑﻞ ﺭﮨﯽ ﺗﮭﯽ۔ ﺯﯾﻨﺖ ﻣﺎﺋﯽ ﮐﺎ ﭘﻮﺗﺎ ﮨﮯ ﺳﺎﺋﯿﮟ۔ ﺍﮔﻠﯽ ﺳﯿﭧ ﺳﮯ ﺁﻭﺍﺯ ﺁﺋﯽ ﺍُﺱ ﮐﺎﻟﯽ ﭼﻤﺎﺭﻥ ﮐﺎ ! ﺑﮍﮮ ﺳﺎﺋﯿﮟ ﭼﻮﻧﮑﮯﺫﺭﺍ ﺭﻭﮎ ﺗﻮ ﺍﺳﮯ، ﺟﯽ ﺣﮑﻢ !!! ﺳﺎﻣﻨﮯ ﺁﺗﮯ ﮨﯽ ﻟﮍﮐﮯ ﻧﮯ ﮨﺎتھ ﺟﻮﮌ ﻟﺌﮯ ﺍﻭﺭ ﻧﻈﺮﯾﮟ ﺟُﮭﮑﺎﻟﯿﮞ! کیا ﻧﺎﻡ ﮨﮯ ﺗﯿﺮﺍ؟ ﺁﻭﺍﺯ ﻣﯿﮟ ﮔﺮﺝ ﺗﮭﯽ۔ ﮨﺎﺭﻭﻥ ﺳﺎﺋﯿﮟ! ﻟﮍﮐﺎ کچھ ﺍﻭﺭ ﺟﮭُﮏ ﮔﯿﺎ
ﯾﮧ ﺗُﻮ ﺍﺗﻨﺎ ﺻﺎﻑ ﺳﺘﮭﺮﺍ ﮨﻮﮐﺮ ﺑﺴﺘﮧ ﺍُﭨﮭﺎﺋﮯ ﮐﮩﺎﮞ ﺟﺎ ﺭﮨﺎ ﮨﮯ ؟ﻏﺮﺍﺗﺎ ﮨﻮﺍ ﺳﻮﺍﻝ ﺗﮭﺎ۔ ﺳﮑﻮﻝ ﺟﺎﺭﮨﺎ ﮨﻮﮞ ﺳﺎﺋﯿﮟ ، ﻟﮍﮐﺎ ﺗﮭﺮ ﺗﮭﺮ ﮐﺎﻧﭗ ﺭﮨﺎ ﺗﮭﺎ ، ﺳﮑﻮﻝ! ﺍﺏ ﮐﻤﯿﻮﮞ ﮐﮯ ﺑﭽﮯ ﺑﮭﯽ ﺳﮑﻮﻝ ﺟﺎﺋﯿﮟ ﮔﮯ۔ ﺍﯾﮏ ﺑﮭﺎﺭﯼ ﻗﮩﻘﮩﮧ ﻓﻀﺎ ﻣﯿﮟ ﮔﻮﻧﺠﺎ ﺁﻗﺎ ﮨﻨﺴﺎ ﺗﻮ ﺣﻮﺍﺭﯼ ﺑﮭﯽ ﮨﻨﺴﻨﮯ ﻟﮕﮯ۔ ﭘﺎﮔﻞ ﮨﻮ ﮔﯿﺎ ﮨﮯ ﮐﯿﺎ۔ ﮐﺒﮭﯽ ﺗﯿﺮﮮ ﺍﮔﻠﻮﮞ ﻧﮯ ﺑﮭﯽ ﺳﮑﻮﻝ ﮐﯽ ﺷﮑﻞ ﺩﯾﮑﮭﯽ ﮨﮯ ﺑﮍﮮ ﺳﺎﺋﯿﮟ ﮐﯽ ﺁﻭﺍﺯ ﻣﯿﮟ ﺍﺏ ﺑﮭﯽ ﮔﺮﺝ ﺗﮭﯽ۔ ﺧﻨﮏ ﻣﻮﺳﻢ ﮐﮯ ﺑﺎﻭﺟﻮﺩ ﻟﮍﮐﺎ ﭘﺴﯿﻨﮯ ﺳﮯ ﺷﺮﺍﺑﻮﺭ ﺗﮭﺎ۔ ﭼﻞ ﭘﮭﯿﻨﮏ ﺑﺴﺘﮧ ! ﻟﺮﺯﺗﮯ ﮨﺎﺗﮭﻮﮞ ﺳﮯ ﺑﺴﺘﮧ ﭼﮭُﭩﺎ ﺍﻭﺭ ﺳﺎتھ ﮨﯽ ﻟﮍﮐﺎ ﺑﮭﯽ ﮔﮭﭩﻨﻮﮞ ﭘﺮ ﮔﺮﮔﯿﺎ۔ ﯾﮧ ﺻﺎﻑ ﮐﭙﮍﮮ ﺍُﺗﺎﺭ، ﮐﺎﻧﭙﺘﮯ ﮨﺎتھ ﺍﭘﻨﮯ ﺑﺪﻥ ﺳﮯ ﺍﭘﻨﮯ ﺧﻮﺍﺏ ﺍﻟﮓ ﮐﺮ ﺭﮨﮯ ﺗﮭﮯﯾﮧ ﺟﻮﺗﮯ ﺑﮭﯽ ﺍﺗﺎﺭ۔ ﺍﺏ ﻟﮍﮐﺎ ﺟﮭﻠﻨﮕﮯ ﺑﺪﺭﻧﮓ ﺑﻨﯿﺎﻥ ﺍﻭﺭ ﭘﺎﺟﺎﻣﮯ ﻣﯿﮟ ﺗﮭﺎ۔ ﮨﺎﮞ ﺍﺏ ﻟﮓ ﺭﮨﺎ ﮨﮯ ﻧﺎ ﺗُﻮ ﺍﭘﻨﯽ ﺫﺍﺕ ﮐﺎ۔ ﭼﻞ ﺍﺏ ﺯﻣﯿﻦ ﭘﺮ ﻟﻮﭦ ﻟﮕﺎ۔ ﺑﮍﮮ ﺳﺎﺋﯿﮟ ﮐﺎ ﺣﮑﻢ ﺣﺘﻤﯽ ﺗﮭﺎ۔ ﺧﺎﮎ ﮐﻮ ﺧﺎﮎ ﻣﯿﮟ ﻣﻼﺗﮯ ﻭﻗﺖ ﺑﮭﯽ ﻟﮍﮐﮯ ﮐﮯ ﮨﺎتھ ﺟُﮍﮮ ﮨﻮﺋﮯ ﺗﮭﮯ۔ ﮐﻤﯽ ﻏﻼﻣﯽ ﮐﮯ ﺟﻤلہ ﺁﺩﺍﺏ ﺳﮯ ﻭﺍﻗﻒ ﺟﻮ ﺗﮭﺎ ﭼﻞ ﺍٹھ ﺍﺏ ﺟﺎ ﮐﺮ ﮔﻨﺪ ﺳﻤﯿﭧ ۔ ۔ﺟﮭﺎﮌﻭ ﻣﺎﺭ۔ ﮔﺎﮌﯼ ﮐﺎ ﺑﻠﯿﮏ ﮐﻮﭨﮉ ﺷﯿﺸﮧ ﺁﮨﺴﺘﮧ ﺁﮨﺴﺘﮧ ﺍﻭﭘﺮ ﺍُﭨﮭﺘﺎ ﭼﻼ ﮔﯿﺎ۔ ﺑﮍﮮ ﺳﺎﺋﯿﮟ ﮐﯽ ﺑﯿﻮﯼ ﻧﻤﺎﺯ ﭘﮍﮪ ﺭﮨﯽ ﺗﮭﯽ ﺟﺐ ﺯﯾﻨﺖ ﻣﺎﺋﯽ ﺣﻮﯾﻠﯽ ﮐﮯ ﻭﺍﺵ ﺭﻭﻡ ﺻﺎﻑ ﮐﺮﻧﮯ ﺁﺋﯽ ﺍﺱ ﻧﮯ ﺭﻭﺗﮯ ﮨﻮﺋﮯ ﮐﮩﺎ۔ ﺍﻣﺎﮞ ﺳﺎﺋﯿﮟ ﺗﻢ ﺗﻮ ﻭﻟﯽ ﻟﻮﮒ ﮨﻮ ﻧﺎ۔ ﻣﯿﺮﮮ ﮨﺎﺭﻭﻥ ﮐﮯ ﻟﺌﮯ ﺩﻋﺎ ﮐﺮﻭ ﺩﺭﮔﺎﮦ ﻭﺍﻟﮯ ﺑﺎﺑﺎ ﮐﮩﺘﮯ ﮨﯿﮟ ﺍُﺱ ﭘﺮ ﮐﺴﯽ ﺑﮍﮮ ﺁﺳﯿﺐ ﮐﺎ ﺳﺎﯾﮧ ﮨﻮﮔﯿﺎ ﮨﮯﻧﮧ ﮐﮭﺎﺗﺎ ﮨﮯ ﻧﮧ ﺳﻮﺗﺎ ﮨﮯ۔ ﺑﺲ ﺩﻥ ﺭﺍﺕ ﺩﯾﻮﺍﻧﻮﮞ ﮐﯽ ﻃﺮﺡ ﮔﻠﯿﻮﮞ ﮐﯽ ﺟﮭﺎﮌﻭ ﻟﮕﺎﺗﺎ ﺭﮨﺘﺎ ﮨﮯ ﺍﻭﺭ ﺍﺳﮑﯽ ﺁﻧﮑﮭﻮﮞ ﺳﮯ ﺁﻧﺴﻮ ﺑﮩﺘﮯ ﺭﮨﺘﮯ ہیں۔
