شیخ عبدالقادر جیلانی رحمتہ اللہ علیہ لڑکپن میں تعلیم حاصل کرنے کے لئے چلتے ہیں والدہ ان کے کپڑوں میں کچھ پیسے سی دیتی ہیں اور نصیحت کر دیتی ہیں کہ بیٹے ہمیشہ سچ بولنا‘ چنانچہ راستہ میں ڈاکوؤں نے لوٹ لیا‘ کسی نے پوچھا تمہارے پاس مال ہے؟ انہوں نے سچ سچ بتا دیا اس نے سردار کو بتایا تو سردار نے پاس بلا کر کہا تو نے جھوٹ کیوں نہیں بولا؟ نہ تجھے جان کی فکر نہ مال کی فکر‘ کہنے لگے میری امی نے کہا تھا بیٹا سچ بولنا اور میں نے ان سے وعدہ کر لیا تھا مجھے جان کی پرواہ نہ تھی‘ مجھے اپنے قول کا پاس رکھنا تھا اور ڈاکوؤں کے دل میں یہ بات گھر کر گئی کہ جب ایک بچہ ماں سے کئے ہوئے عہد کا اتنا پاس رکھتا ہے تو ہم نے بھی کلمہ پڑھ کر اپنے رب سے عہد کیا ہے تو ہم اس کا پاس کیوں نہ کریں۔ چنانچہ وہ اللہ سے توبہ کرتے ہیں اور اس کے بعد ان کی زندگی میں نیکوکاری آ جاتی ہے اور پھر یہ بچہ آگے چل کر عبدالقادر جیلانی بنا۔