حضرت مولانا اسماعیل شہیدؒ کے امتحان کی غرض سے ایک شخص آیا۔ اس نے سنا تھا کہ آپ بڑے جوشلے اور تیز طبع ہیں۔ دہلی کی جامع مسجد میں مولانا تشریف رکھتے تھے۔ وہ آیا اور مجمع میں باآواز بلند پوچھا ’’میں نے سنا ہے کہ آپ حرامی ہیں؟‘‘ مولانا نے فرمایا تم سے کسی نے غلط کہا ہے میری ماں کے نکاح کے گواہ ابھی زندہ ہیں۔ اگر یقین نہ ہو تو تصدیق کرا دوں‘‘۔ وہ شخص قدموں میں گر پڑا اور کہنے لگا ’’میں تو امتحان کرتا تھا کہ آپ کی تیزی تکبر سے تو نہیں ہے لیکن معلوم ہوا کہ سارا غصہ اور تکبر اللہ تعالیٰ ہی کے لئے ہے‘‘۔