نیویارک(مانیٹرنگ ڈیسک)یہ دنیا انسانوں کے ساتھ ساتھ غیر مرئی چیزوں سے بھی بھری پڑی ہے ۔ماوارائی مخلوق لوگوں کا دلچسپ موضوع بھی ہے ۔ آئے روز اس قسم کے واقعات سننے کو ملتے رہتے ہیں ۔ برطانوی اخبار کی رپورٹ کیمطابق امریکہ میں جوڈی نامی ایک خاتون کو اپنی ماں کے گھر سے ایک وائس میل پیغام موصول ہوا، مگر جب اس نے واپس اس نمبر پر کال کی تو آگے سے ایک ایسی چیز کی آواز سنائی دی کہ اس کے اوسان خطا ہو گئے۔برطانوی اخبار ڈیلی سٹار کی رپورٹ کے مطابق یہ آواز ایک بھوت کی تھی جو بقول جوڈی اس کی والدہ کے گھر میں رہتا تھا اور بچپن سے اسے تنگ کرتا رہا ہے۔ جوڈی نے بھوت کے ساتھ ہونے والی یہ گفتگو یوٹیوب پر شیئر کی ہے جسے اب تک ہزاروں لوگ سن چکے ہیں۔
جوڈی کا کہنا تھا کہ ’’میرا بچپن اس غیرمرئی مخلوق کی حرکتوں سے بھرا ہوا ہے۔یہ بھوت بچپن میں بھی مجھے تنگ کرتا رہتا تھا۔ ایک بار تو اس سے نجات کے لیے ایک پادری کو بھی بلایا گیا تھا۔ میں اس کی آواز کو اچھی طرح پہچانتی ہوں۔میں نے میل باکس میں آنے والے پیغام کے متعلق اپنی والدہ سے پوچھا۔ مجھے شبہ تھا کہ انہوں نے غلطی سے یہ پیغام بھیج دیا ہو گا تاہم انہوں نے ایسا کوئی بھی پیغام بھیجنے کی تردید کر دی۔ جوڈی کی والدہ نے یہ بھی کہا کہ اس پیغام کے جواب میں آنے والی جوڈی کی کال بھی انہوں نے نہیں سنی۔ ‘‘ واضح رہے کہ جوڈی کو بھوت نے فون پر اپنی عجیب و غریب آواز میں ’’چھپاؤ‘‘ گھر جاؤ‘‘ ’’جلدی‘‘کے الفاظ کہے تھے۔