اسلام آباد(خصوصی رپورٹ) ماضی کی سینئر ترین صحافی اور 4 اخبارات کی مالکن شہناز طارق نجی ٹی وی پروگرام کی خصوصی نشریات میں شرکت کے با وجود آج بھی لاہور کے ہال روڈ پر بھیک مانگ رہی ہیں۔ شہناز طارق خصوصی نشریات میں شرکت اور امداد کے باوجود آج بھی ہال روڈ پر بھیک کیوں مانگ رہی ہیں؟ تفصیل کے مطابق سینئر صحافی شہناز طارق ماضی میں دو انگریزی اور دو اردو اخبارات کی مالکن تھیں۔ وقت اور حالات نے شہناز طارق کو اتنا مجبور کیا کہ وہ اپنے اخراجات اور ضروریات پورا کرنے کیلئے لاہور کی معروف شاہراہ پر بھیک مانگنے پر مجبور ہو گئیں۔شہناز طارق نے نجی ٹی وی پروگرام میں گفتگو کرتے ہوئے بتایا کہ میرے شوہر کو اس وقت 14 سال کی سزا دے دی گئی تھی اور مجھ پر شدید دباؤ ڈالا گیا تھا کہ میں اپنا ایک اخبار ایک ان پڑھ اور جاہل آدمی کو دے دوں۔ اس کام کیلئے مجھے بھی جسمانی تشدد کا نشانہ بنایا گیا۔ شہناز طارق نے بتایا کہ وہ زندگی میں انتہائی بد ترین حالات سے گزری ہیں اور سڑکوں پر سوتی رہی ہیں۔ شہناز طارق نے نجی ٹی وی پروگرام میں گفتگو کرتے ہوئے کہا کہ جب وہ شوہر سے ملنے کیلئے جایا کرتی تھیں تو وہاں کا سپرنٹنڈنٹ انہیں دھکے مار کر باہر نکال دیا کرتا تھا۔
شہناز طارق کی جب عام پاکستانی شہریوں اور نجی ٹی وی کی جانب سے امداد کے باوجود سینئر صحافی شہناز طارق آج بھی ہال روڈ پر بھیک مانگ رہی ہیں؟ یہ سوال بہت سارے ذہنوں میں جنم لیتا ہے کہ آخر آج بھی شہناز طارق ہال روڈ پر بھیک کیوں مانگ رہی ہیں؟ شہناز طارق سے جب اس بابت سوال کیا کہ وہ آج بھی ہال روڈ پر بھیک کیوں مانگ رہی ہیں تو شہناز طارق نے جواب دیا کہ دنیا میں ان کا کوئی بھی نہیں۔۔۔ وہ آخر بیٹھ کر کریں بھی تو کیا کریں؟شہناز طارق نے کہا کہ وہ آج بھی ہال روڈ پر بھیک اسلئے مانگتی ہیں کہ انہیں وہاں بیٹھ کر سکون ملتا ہے اور انہیں آتے جاتے ہوئے لوگ اور ہال روڈ کی رونق کی عادت پڑ چکی ہیں اور وہاں کے دوکاندار اور راہگیر ان کا خیال بھی رکھتے ہیں اور ان کی مدد بھی کرتے ہیں۔