الینا کبیوا 
دنیا کی ساتویں پرکشش ترین سیاستدان کا اعزاز روس کی الینا کبیوا کو حاصل ہے‘ یہ سوک چیمبر کی ممبر ہیں‘ ان کے علاوہ ریٹائرڈریتھمک جمناسٹ کے طوپر بھی جانی جاتی ہیں۔ اس شعبے میں بھی انہوں نے کامیابیاں سمیٹیں ۔الینا کبیوا روس کے شہر تاشقند میں12مئی1983ء کو پید ا ہوئیں‘انہیں شروع سے ہی جمناسٹک کا شوق تھا اور وہ اسی فیلڈمیں سرگرم عمل رہیں۔اپنے انٹرنیشنل کیرئیر کا آغاز انہوں نے صرف 13سال کی عمرمیں کر دیا۔ سولہ سال کی عمر میں انہوں نے یورپین چیمپین شپ اپنے نام کر لی۔

اس کے بعد الینا کے لئے گولڈ میڈل یا انعام حاصل کر نا مشکل نہ رہا ‘وہ آگے بڑھتی چلی گئیں اور کامیابی ان کے ہمراہ تھی۔ ریٹائرمنٹ کے بعد 2005ء الینا سوک چیمبر کی ممبر منتخب ہوئیں۔ الینا پہلے سے ہی دنیا میں اپنی پہچان رکھتی تھیں مگر جب اپریل2008ء میڈیا نے ان کی شادی کی خبر بریک کی تو دنیا میں ہلچل مچ گئی۔ میڈیا کے مطابق الینا نے روسی صدرپیوٹن سے شادی کر لی ہے۔ آغاز میں روسی صدرکی طرف سے تردید نہ آنے کی وجہ سے اس سکینڈل کو بہت اچھالا گیا اور الینا کوبے پنا ہ شہرت حاصل ہوئی۔