اسلام آباد(نیو زڈیسک)غیر ملکی ذرائع ابلاغ کے مطابق، ایک سالانہ سروے میں پتہ چلا ہے کہ ناروے میں خدا پر یقین نہ رکھنے والے افراد یعنی ”ملحدوں“ کی سب سے زیادہ تعداد پائی جاتی ہے۔ناروے میں ہونے والے ایک سالانہ سروے میں 4ہزار نارویجن باشندوں کا کہنا تھا کہ وہ خدا پر یقین نہیں کرتے یا پھر خدا کو نہیں جانتے۔سروے کے مطابق، 4 ہزار نارویجن باشندوں سے جب یہ سوال کیا گیا کہ کیا وہ خدا پر یقین رکھتے ہیں، تو ان میں سے 39 فیصد نے جواب میں ”نہیں“ کہا، 37فیصد نے ”ہاں“ میں جواب دیا اور 23 فیصد نے ” ہم نہیں جانتے“ جواب دیا۔خیال رہے کہ جب 1985ء میں یہی سوال نارویجن باشندوں کے سامنے رکھا گیا تھا، تو 50 فیصد نے جواب دیا تھا کہ وہ خدا پر یقین رکھتے ہیں، جب کہ 20 فیصد نے خدا کے وجود سے انکار کر دیا تھا۔” جان پال آف اپسوس“ نامی سروے کرنے والی تنظیم کا کہنا ہے کہ آج سے صرف دو برس قبل ناروے میں خدا پر یقین رکھنے والے اور نہ رکھنے والے باشندوں کی تعداد مساوی تھی۔