دنیا میں بے اولاد جوڑوں کی جانب سے بچوں کو گود لینا کوئی نئی بات نہیں ہے۔ درجنوں ایسے افراد بچوں کو گود لیکر انہیں اپنی اولاد کی طرح پالتے پوستے ہیں لیکن دہلی میں اولاد سے محروم ایک جوڑے نے بندر کو گود لیکر سب کو حیران کردیا۔ یہی نہیں بلکہ انہوں نے اپنی ساری دولت اس بندر کے نام کردی ہے ۔ سبیتا اور برجیش سریواستو نامی جوڑے نے چند سال پہلے پسند کی شادی کی تھی جس کی وجہ سے انہیں خاندان سے نکال دیاگیا۔ اُس وقت دونوں بہت غریب تھے لیکن دونوں نے کافی محنت کی اور غربت سے خوشحالی تک کا سفر طئے کیا لیکن وہ اولاد کی خوشی سے محروم تھے۔ انہوں نے 2004 میں ایک بندر کو گود لیا لیکن اس کی موت ہوگئی۔