لندن(نیوز ڈیسک) اگر آپ اپنی ضرورت کے تحت مختلف اوقات میں مختلف آلات پر اپنا جی میل اکاؤنٹ اوپن کرتے ہیں اور اکثر اوقات یہ بھول جاتے ہیں کہ آیا آپ نے اپنا اکاؤنٹ سائن آؤٹ کیا تھا یا نہیں تو آپ اس آسان طریقے پر عمل پیرا ہو کر اس پریشانی سے چھٹکارہ حاصل کر سکتے ہیں ۔اس سے بھی ذیادہ اہم بات یہ ہے کہ جب آپ اپنے موبائل فون یا لیپ ٹاپ پر اپنا جی میل اکائنٹ اوپن کرتے ہوں اور وہ کہیں کھو جائیں یا چوری ہو جائیں تو آپ اپنا قیمتی ڈیٹا اس عمل کے زریعے صرف 2کلکس میں محفوظ کر سکتے ہیں ۔ایک سے زائد آلات سے جی میل اکاؤنٹ کو سائن آؤٹ کرنے کا طریقہ یہ ہے ۔سب سے پہلے ڈیسک ٹاپ کمپیوٹر پر اپنا جی میل اکاؤنٹ لاگ ان کریں اور سکرول کرتے ہوئے اپنے ان باکس کے آخر میں چلے جائیں ۔ان باکس کے آخر میں آپکو ایک پرنٹ ’’لاسٹ اکاؤنٹ ایکٹیوٹی ‘‘نظر آئے گا اس کے ساتھ ’’ڈیٹیلز‘‘کا بٹن موجود ہوگا اسے کلک کر دیں ۔ بعد از ’’سائن آؤٹ آل ادر ویب سیشنز‘‘کو کلک کر دیں ۔ اس عمل کو کرنے سے آپکا جی میل اکاؤنٹ جہاں جہاں اوپن ہوا ہو گا خود بخود سائن آؤٹ ہو جائے گا۔