اسلام آباد (نیوز ڈیسک)کچھ عرصہ پہلے کی بات ہے کہ مشہور سرچ انجن گوگل نے مقبوضہ کشمیر کو بھارت کا حصہ ماننے سے انکار کیا تھا ۔ ایسا ہی کچھ اب ہوا ہے ۔معروف سرچ انجن گوگل کے بعد اب سماجی رابطے کی معروف ویب سائٹ ٹوئٹر نے بھی مقبوضہ جموں و کشمیر کو بھارت کاحصہ ماننے سے انکار کردیا ہے۔سماجی رابطے کی ویب سائٹ ٹوئٹر پر لوکیشن سروسز کے استعمال کے دوران اگر آپ جموں لکھیں گے تو آپ کو ٹوئٹر کی جانب سے خود بخود جموں کے پاکستان کا حصہ ہونے کی تجاویز موصول ہوں گی۔علاوہ ازیں اگر آپ فیلڈمیں ’’جموں اینڈ کشمیر ’’ٹائپ کریں تو یہ آپ کوعوامی جمہوریہ چین کا حصہ دکھائے گا۔
واضح رہے کہ ٹوئٹر اپنے صارفین کو اپنی ٹویٹس میں مقامات ٹیگ کرنے کی مجاز بناتی ہے۔صارفین یا تو خودبخوداپنی موجودہ جگہ منتخب کرسکتے ہیں (جی پی ایس کے ذریعے)یا شہر کا نام ٹائپ کرکے لوکیشن آپشن منتخب کرسکتے ہیں۔
ٹوئٹر نے اس کی وضاحت کرتے ہوئے کہاکہ جموں و کشمیر پر بھارت کا کوئی حق نہیں اور مقبوضہ وادی پر بھارت کا قبضہ سراسر ظلم و ناانصافی ہے۔ٹوئٹر کے اس حقیقت پسندانہ اقدام نے غاصب بھارت کے تن بدن میں آگ لگاکر اسے کروٹیں بدلنے پر مجبور کردیاہے۔