اس کی طبیعت ایسی ہو تی ہے کہ وہ خوبصورت چیزوں مثلاً مو سیقی ‘ رنگ‘ فنو نِ لطیفہ اور خو بصورت ماحول سے پیار کر تا ہے‘ اس کے اندر ایسے جذبات ہو تے ہیں کہ وہ نفیس چیزوں کو سراہے بغیرنہیں رہ سکتا ۔ہر اچھی چیز کو دیکھ کر ایسا شخص جذباتی ہو جاتا ہے ۔ اس بات کا انحصار کہ ایسے ہاتھ کا مالک اپنی ان صلاحیتوں کو کسی مادی یا عملی صورت میں پیش کر سکے گا کہ نہیں زیادہ تر خطِ ذہن کی ساکت اور اس سے پیدا شدہ قوتِ ارادی کی مقدار پر منحصر ہے۔ ایسے ہاتھ عموماً بھرے بھرے ‘زیادہ گوشت والے اور نرم ہو تے ہیں ۔ یہ لوگ اگر کوئی کام کرنے پر تل جائیں تو پھر کر کے رہتے ہیں۔بعض جذباتی لوگ اس قسم کی خو بیوں کے مالک ہو تے ہیں مگر زیادہ ترلو گ آرٹ اور ادب کے مداح ہی ہوتے ہیں ۔ اس ہاتھ کی انگلیاں جتنی سخت ہو ں گی اتنا ہی وہ شخص کام کا زیا دہ دلداہ ہو گا۔ وہ اپنی فنکارانہ طبیعت سے کو ئی نہ کوئی چیز ضرور پیدا کرے گا۔
ملا جلا ہاتھ: ملا جلا ہاتھ باقی دوسری اقسام کی تھوڑی بہت خو بیوں یا برائیوں کا مرکب ہو تا ہے‘ اس میں ہاتھ کی دوسری اقسام کی کوئی خو بی یا برائی موجود ہوتی ہے ۔ اکثر دیکھنے میں آ یا ہے کہ اس ہاتھ کی انگلیاں ایک دوسرے سے مختلف ہو تیں ہیں ‘کسی کی پور مو ٹی ہو تی ہے تو کسی کی پتلی یا نو کدار یا بعض اوقات اس ہاتھ کی ہتھیلیاں مختلف قسم کی ہو تی ہیں۔ ایسے لو گ کئی کام کرنا چاہتے ہیں مگر جلدہی ایک کام کو چھوڑ کردوسرا کام شروع کر دیتے ہیں۔ اس طرح اپنی کسی بھی جبلی خوبی کو جلا نہیں دے پاتے۔نتیجتاً کامیاب نہیں ہو تے ۔یہ لوگ اپنی صلاحیتوں کو ایک نقطے پر جمع نہیں کر سکتے ۔وہ ہر کام تھوڑا تھوڑا کرتے ہیں مگر کو ئی بھی کام اچھی طرح تکمیل نہیں کر پاتے۔ وہ ہر موضوع پر بات کر نا چاہتے ہیں مگر ان کے خیالات اور جذبات میں وہ گہرائی نہیں ہو تی جو سامعین کو متاثر کر سکے۔ اس صورت میں جبکہ ہاتھ پر خط ذہن سیدھا اور صاف ہو تو ایسا شخص اپنی صلاحیتیوں میں سے ایک کو چن کر اسے پروان چڑھنے کا مو قع دیتا ہے۔