اسلام آباد(نیوز ڈیسک)ہرکوئی اپنی بساط کے مطابق عیدکی تیاریاں تو کرتا ہی ہے، مگر وطنِ عزیز میں خطِ غربت سے نیچے زندگی گزارنے والے بہت سے ایسے لوگ بھی ہیں،جو عید پرانے کپڑوں میں ہی گزارہ کرلیتے ہیں۔سرکنڈے سے بنی دیواریںاور سرکنڈے ہی کی چھت ،چکنی مٹی کی لپائی والافرش،یہ کوئی تصویر نہیں بلکہ کھاریاں کے پہاڑی علاقے پبی کے جنگلات میں بسنے والوں کے گھر ہیں، جھونپڑیاں نسل در نسل ان لوگوں کاسائباں ہیں۔جھونپڑیوں کی تیاری میں مہارت کاکمال،دیکھنے والاتصاویر لئے بغیر رہ نہیں سکتا،کمرہ،چولہا، کچن،سبھی میں مقامی رنگ نمایاں ۔ لوگ کہتے ہیں کہ غریب ہیںعید پرانے کپڑوں میں گزارلیتے ہیں۔مال مویشی پال کرگزربسرکرنیوالے یہ لوگ تعلیم کی اہمیت سے ناواقف نہیں،زندگی کی بنیادی سہولتوں سے محروم سہی ، مگرپرسکون زندگی سے مالامال،جنگلات کے یہ باسی جینا اور مسکرانابھی جانتے ہیں۔