جب ہم بولی ووڈ فلم انڈسٹرکے اداکاروں کی عیش بھری زندگی کے بارے میں معلومات حاصل کرتے ہیں تو ہم میں سے بیشتر افراد کا خیال ہوتا ہے کہ یہ ستارے ہمیشہ سے آنکھوں کو خیرہ کرنے والی روشنیوں کا حصہ رہے ہوں گے۔مگر ہمارا یہ خیال بڑی حد تک درست نہیں کیونکہ بولی ووڈ انڈسٹری کے بیشتر ستارے شہرت پانے سے پہلے معمولی نوکریاں کر کے اپنا گزر اوقات کیا کرتے تھے۔ہم یہاں اپکے ساتھ بولی ووڈ انڈسٹری سے شہرت پانے والے اداکاروں میں سے چند ایک کے حالات زندگی شیئر کریں گے۔اس فہرست میں شامل پہلے اداکار ہیں نواز ا لدین صدیقی ان کا تعلق ایک کسان گھرانے سے تھا اور یہ لڑکپن میں دوائیں بیچا کرتے تھے۔جبکہ بولی ووڈ کے معروف اداکا اکشے کمار سکول میں بچوں کو مارشل آرٹس کی تعلیم دیا کرتے تھے۔معروف تامل اداکار رجنی کانت بسوں میں کنڈکٹری کر کے وقت پاس کیا کرتے تھے۔علاوہ ازیں بولی ووڈ کے شہنشاہ امیتابھ بچن سٹار بننے سے پہلے ایک شپنگ کمپنی میں ملازمت کرتے تھے۔ماضی کے معروف سینئر اداکار دلیپ کمارکینٹین چلاتے ،جبکہ اداکار دیو آنند سٹار بننے سے پہلے کلرک اورارشد وارثی گھرگھر جاکر میک اپ کا سامان بیچا کرتے تھے۔علاوہ ازیں پری نیتی چوپڑہ مارکیٹنگ ایجنٹ اور سونا کشی سنہا کاسٹیوم ڈیزائنر تھیں۔جبکہ سٹاربننے سے پہلے رنویر سنگھ کاپی رائٹر جبکہ سدھارت ملہوترہ اسسٹنٹ ڈائریکٹر کی نو کری سے منسلک تھے۔