٭ مسلسل پڑھائی کرنے سے آپ کے دماغ کی کارکردگی میں کمی آجاتی ہے لہٰذا تقریباً ڈیڑھ گھنٹے کی پڑھائی کے بعد بریک ضرور لیں اور اس دوران کچھ ہلکا پھلکا کھائیں یا کسی تفریح سے لطف اندوز ہوں۔٭ نیند پوری کرنا مت بھولیں۔ ماہرین کا کہنا ہے پڑھائی کے بعد مکمل نیند انتہائی ضروری ہے کیونکہ دماغ نیند کے دوران ہی پڑھی گئی چیزوں کو باقاعدہ طور پر محفوظ کرتا ہے۔ دن کے دوران دو سے پانچ بجے کے دوران بھی مختصر وقت کے لئے سونا فائدہ مند ثابت ہوگا۔ پڑھائی کے دوران وقفے وقفے سے لمبی سانسیں لیں۔ لمبی سانسیں لینے سے آپ کے جسم میں آکسیجن کی زیادہ مقدار منتقل ہوگی جو آپ کے دماغ کی کارکردگی بڑھائے گی کیونکہ دماغ آکسیجن کو ایندھن کے طور پر استعمال کرتا ہے۔ مختصر بریک کے دوران کوئی جسمانی سرگرمی کریں مثلاً کچھ واک کریں یا ہلکی پھلکی اچھل کود کریں، اس طرح آپ کے دماغ کے مختلف حصے سرگرم ہوجائیں گے۔
٭ انٹرنیٹ، ٹی وی اور خصوصاً فیسبک سے دور ہی رہیں تو بہتر ہے۔ کوشش کریں کہ ذہن کو تروتازہ کرنے کے لئے گھر والوں کے ساتھ وقت گزاریں اور دلچسپ گفتگو سے لطف اندوز ہوں۔