خطابات کی سہولت بھی دستیاب ہے۔
دھرنوں سے ہٹ کر کنٹینر کے خوبصورت استعمالات: پاکستان میں تو ہمیں کنٹینر کا استعمال سامان کی ترسیل کے علاوہ زیادہ سے زیادہ دھرنوں اور راستوں میں رکاوٹ پیدا کرنے جیسے کاموں تک محدود دکھائی دیتا ہے لیکن اگر باقی دنیا کی جانب نظر دوڑائی جائے تو مختلف ممالک میں ان کنٹینر کو مختلف مقاصد کے لیے استعمال کیا جارہا ہے۔ کہیں ان سے خوبصورت گھر تعمیر کیے جارہے ہیں تو کہیں ریسٹورنٹ اور آرٹ اسٹوڈیو بنائے جارہے ہیں۔
کرومینڈل بیچ : اس شپنگ کنٹینر کو ایک خوبصورت گھر میں تبدیل کرنے کے لیے آرکیٹیکٹ Crosson Clarke Carnachan نے ڈیزائن کیا ہے ۔ دو کمروں کا حامل یہ گھر نیوزی لینڈ کے علاقے Coromandel میں واقع ہے۔ یہ ایک کھلا اور کشادہ گھر ہے جبکہ اس کے بیڈروم ایک دوسرے سے منسلک ہیں اور سردی سے بچاؤ کے لیے گھر میں ایک بہت بڑا آتش دان بھی موجود ہے۔
پورٹا بیچ:یہ کنٹینر Workshop Atelier نے ڈیزائن کیا ہے جسے لکڑی کے پینل کے ساتھ ملا کر تعمیر کیا گیا ہے۔نیوزی لینڈ میں واقع اس کنٹینر میں ایک کچن‘ بیڈز اور فولڈ ہوجانے والا ٹیرس موجود ہے۔ اکیلے زندگی گزارنے والے افراد کے لیے یہ گھر بطور رہائش گاہ کافی ہے۔
سلیپ ارونڈ:بیلجیم میں واقع یہ کنٹینر میں بنا ایک ہوٹل ہے جس کی خاصیت یہ ہے کہ اسے دنیا میں کہیں بھی آپ اپنی مرضی سے منگوا سکتے ہیں یعنی ہوٹل خود چل کر آپ کے پاس آئے گا۔ یہ ہوٹل 7 کنٹینر کی مدد سے تیار کیا گیا ہے۔ یہ ہوٹل اپنا پانی کا نظام رکھتا ہے اور اسے آپ کے منتخب کردہ مقام پر صرف 6 گھنٹے میں پوری سہولیات کے ساتھ نصب کردیا جاتا ہے۔
پورچیتا:یہ ایک عارضی ریسٹورنٹ ہے جو کینیڈا کے علاقے مونٹریال میں واقع ہے۔ اس ریسٹورنٹ میں اٹالین ڈشز پیش کی جاتی ہیں اور یہاں آنے والے گاہکوں کو کنٹینر کے باہر کی جانب کرسیاں وغیرہ لگا کر بٹھایا جاتا ہے۔
کیٹر پلر ہاؤس:یہ گھر Sebasti225n Irarr225zaval نے اپنی فیملی کے لیے ڈیزائن اور تعمیر کیا ہے۔ یہ گھر چلی کے علاقے سان تیاگو کے مضافات میں واقع ہے۔ اس گھر میں نصب کی جانے والی ہر شے اعلیٰ اور جدید ہے جبکہ یہاں گرم پانی کے ٹب بھی موجود ہیں۔
کنٹینرہاؤس: ایڈم کیلکن نے یہ شاندار گھر 12 نارنجی رنگ کے کنٹینر کی مدد سے تیار کیا گیاہے اور اسے انگریزی حروف T کی شکل میں ڈیزائن کیا گیا ہے۔ یہ گھر Maine کے بلیو ہل خلیج کے چٹانی جزیرہ نما میں واقع ہے۔ اس گھر کو جون سے لے کر اکتوبر تک کرائے پر بھی حاصل کیا جاسکتا ہے۔ اس گھر کا کرایہ 6 ہزار سے 10 ہزار ڈالر فی ہفتہ کے حساب سے وصول کیا جاتا ہے۔
