اس ہوٹلز کی کئی منزلیں ہیں ٗ یہ ساحل سمندر پر واقع ہے اس ہوٹل میں مردو خواتین کیلئے علیحدہ علیحدہ منزلیں ہیں ٗ رہائش گاہیں علیحدہ ہیں ٗ سوئمنگ پولز جدا ہیں ٗ شراب پرپابندی ہے ٗ سگریٹ اور شیشہ پینے کی اجازت نہیں ٗ خواتین کے کھانے ٗ ساحل سمندر کا نظارہ کرنے ٗ سمندرکی موجوں سے اٹھکیلیاں کرنے اور قدرت کے حسین نظاروں سے لطف اندوز ہونے کیلئے خالصتاً اسلامی تعلیمات کے مطابق سہولیات دستیاب ہیں۔ رہائش پذیر خواتین کی دیکھ بھال اور خدمت کیلئے بھی نوجوان لڑکیوں کو بطور ویٹر تعینات کیاگیا ہے۔ ہوٹلز میں موجود لانڈری ٗ شاپس ٗ ریستوران میں لڑکیاں کام کرتی ہیں اسی طرح مردوں کی منازل میں نوجوان لڑکے ملازم ہیں۔ اس اسلامی ہوٹل میں ہر قسم کی عیاشی پر پابندی ہے ٗ میاں بیوی نکاح نامہ دکھا کر ایک روم میں رہ سکتے ہیں لیکن محرم رشتوں کے علاوہ کوئی مرد کسی عورت اور کوئی عورت کسی مرد کے ساتھ نہیں رہ سکتی۔ جدید دنیا میں جب اسلامی تعلیمات ٗ حدودوقیود سے دنیا بالخصوص امت مسلمہ بھی باغی ہو چکی ٗ مصر میں اس طرز کے ہوٹل کے قیام سے ایک نئے دور کا آغاز ہو چکا ہے۔ خواتین آزادی کے ساتھ ہوٹل جاتی ہیں ٗ کھانا کھاتی ہیں ٗ رہائش اختیار کرتی ہیں ٗ سوئمنگ کرتی ہیں اور ساحل سمندر سے لطف اندوز ہوتی ہیں ہوٹل کے قیام کے بعد مصری خواتین کی بڑی تعداد یہاں آتی ہے۔
یہ ایک نیا اور اچھوتا آئیڈیا ہے اور یہ کامیاب بھی ہے ہمارے جیسے معاشرے میں جہا ں خواتین چاردیواری سے باہر جھانک نہیں سکتیں ٗ جہا ں خواتین اکیلے گلی ٗ محلے ٗ مارکیٹ یابازار تک نہیں جا سکتیں اگر اس طرز کے ہوٹلز تمام بڑے شہروں میں قائم کر دئیے جائیں تو اس سے گھروں میں قید خواتین کو چند لمحے آزادی کے بھی نصیب ہو سکتے ہیں۔ پاکستان کے بڑے بڑے گروپس ٗ بڑے بزنس ٹائیکون اور حکومت پاکستان اگر مصر کے اس تجربے کو سامنے رکھ کر دس بڑے شہروں میں اس طرح کے ہوٹل تعمیر کر دے تو جہاں ضرورت مند خواتین کو ملازمت مل سکے گی وہیں خواتین زندگی کے رنگوں سے محظوظ بھی ہوں گی۔