لیہ (این این آئی)لیہ اراضی اسکینڈل میں پاکستان تحریک انصاف کے چیئرمین عمران خان کی بہن ڈاکٹر عظمی اور ان کے شوہر اینٹی کرپشن انکوائری کمیٹی کے سامنے پیش ہوئے۔اینٹی کرپشن پنجاب کے مطابق ڈاکٹر عظمی اور احد مجید عدالتی حکم پرانکوائری کمیٹی کے سامنے پیش ہوئے، اینٹی کرپشن ٹیم نے سوالنامہ ڈاکٹر عظمی اور ان کے شوہر کے حوالے کیا۔

ترجمان نے بتایاکہ ملزمان کی جانب سے جواب دینے کیلییمہلت مانگی گئی ہے اور ملزمان کی درخواست پر ان کو 5 جولائی تک وقت دیا گیا ہے۔ترجمان اینٹی کرپشن کے مطابق انکوائری کمیٹی نے دونوں کو تمام ثبوتوں کے ساتھ 5 جولائی کو دوبارہ طلب کرلیا۔ترجمان کے مطابق لیہ اراضی کیس میں ملوث نائب تحصیلدار کی ضمانت عدالت نے آج خارج کردی ہے اور اینٹی کرپشن ٹھوس شواہدکی بنیاد پر لیہ اراضی کیس میں تحقیقات کر رہا ہے۔