کراچی (این این آئی)انسٹاگرام پر دوستی کرنے والی راولپنڈی کی لڑکی شادی کرنے کراچی پہنچ گئی، نوبیاہتا جوڑا تحفظ کیلئے ملیر کورٹ میں تحفظ کے لئے درخواست دائر کردی۔ لڑکی نور ہارون نے موقف اپنایا کہ میں نے مستقیم سے پسند کی شادی کی ہے۔

میرے گھر والے ہمیں دھمکیاں دے رہے ہیں۔ مجھے کسی نے اغوا نہیں کیا اپنی رضا مندی سے شادی کی ہے۔ ہمیں تحفظ دیا جائے، اور مقدمہ خارج کیا جائے۔ نوبیاہتا جوڑے نے استدعا کی ہے کہ اہلخانہ سے خطرہ ہے، تحفظ دیا جائے۔ ہم دونوں کا رابطہ انسٹاگرام پر ہوا تھا۔ ہمارے خلاف تھانہ صدر روالپنڈی میں مقدمہ درج کیا گیا ہے۔

موضوعات:انسٹاگرام