نئی دہلی (این این آئی)بھارت کی ریاست اترپردیش میں ایک 12 سالہ بچی چارجنگ پر لگے موبائل فون کی تار کو حادثاتی طور پر چھونے کے باعث کرنٹ لگنے سے ہلاک ہوگئی۔

غیرملکی خبررساں ادارے کے مطابق مقامی پولیس نے بتایاکہ یہ واقعہ اترپردیش کے علاقے کھجوری کے ایک گائوں میں پیش آیا۔اس بچی نے غلطی سے چارجر کی ننگی تار کو چھو لیا تھا جس کے بعد کرنٹ لگنے سے وہ جھلس گئی تھی۔

اس سے قبل اپریل 2023 میں بھارتی ریاست کیرالہ میں ایک 8 سالہ بچی موبائل فون پھٹنے سے ہلاک ہوگئی تھی۔پولیس کے مطابق بچی کے موبائل فون استعمال کرنے کے دوران فون اس کے چہرے کے قریب پھٹ گیا

بچی کو فوری طبی امداد کے لیے اسپتال منتقل کیا گیا جہاں وہ دوران علاج چل بسی۔کچھ عرصے قبل ملتان کی تحصیل شجاع آباد میں بھی موبائل چارجنگ کے دوران کرنٹ لگنے سے ایک خاتون جھلس کر زخمی ہوگئی تھی۔