لاہور ( این این آئی) واٹر اینڈ سینیٹیشن ایجنسی ( واسا ) لاہور نے ریکارڈ ماہانہ ریونیو اکٹھا کر کے اپنا 47 سالہ تاریخی ریکارڈ توڑ دیا۔ منیجنگ ڈائریکٹر واسا غفران احمد کی سربراہی میں واسا لاہور نے اہم سنگ میل عبور کر تے ہوئے تاریخ میں پہلی دفعہ 93 کروڑ سے زائد ماہانہ ریونیو اکھٹا کر لیا۔ واسا لاہور نے اس سال مئی تک 8ارب سالانہ ریونیو اکھٹا کر لیا۔ امید ظاہر کی جا رہی ہے کہ واسا لاہور اس مالی سال میں 9ارب ریونیو کولیکشن کر لے گا۔ اس حوالے سے ایم ڈی واسا غفران احمد کا کہنا ہے کہ آخری ڈیفالٹر تک ریکوری آپریشن جاری رہے گا۔