کراچی(مانیٹرنگ ڈیسک)کینیڈا میں مقیم پاکستانی مصنف اور تجزیہ نگار طارق فتح طویل علالت کے بعد انتقال کرگئے۔ ان کی عمر 73سال تھی۔ طارق فتح متنازع شخصیت تھے اور پاکستان کے خلاف سخت موقف رکھتے تھے۔ بھارتی اخبار کے مطابق طارق فتح انڈیا میں بی جے پی کی سربراہی میں قائم مودی حکومت کے حامی تھے اور انہوں نے کئی مرتبہ بی جے پی حکومت کے متعدد اقدامات کی حمایت کا اعلان کیا تھا۔ طارق فتح 1949 میں پاکستان میں پیدا ہوئے تھے اور1980 کی دہائی میں کینیڈا ہجرت کرگئے تھے۔ انہوں نے کینیڈا میں بطور سیاسی تجزیہ نگار، صحافی اور ٹی وی میزبان کے طور پر کام کیا۔ وہ کئی کتابوں کے مصنف بھی تھے۔